१६जेठ, काठमाडौं । प्रधानमन्त्री बालेन्द्र शाहको भ्रमणबारे कुनै प्रगति नभएको बेलामा राष्ट्रिय स्वतन्त्र पार्टी (रास्वपा)का सभापति रवि लामिछाने यसै साता भारतमा जाने तयारी छ ।
प्रधानमन्त्री पार्टी अध्यक्ष नभएको अवस्थामा बालेन्द्र शाहको भन्दा पहिले सभापति लामिछाने नै जान लागेका छन् ।
सरकार प्रमुखको भन्दा पहिला पार्टी प्रमुखको भ्रमण स्वभाविक भएको विज्ञहरूले बताएका छन् । राजनीति तथा अन्तर्राष्ट्रिय सम्बन्धका जानकार डा. सञ्जीव हुमागाईं यस प्रकारका भ्रमण कुनै नवीन प्रयोग या ‘डिपार्चर’ नभएको र अन्तराष्ट्रिय कूटनीतिमा पनि यस्ता भ्रमणहरूलाई अभ्यस्त परम्पराकै रूपमा लिइने गरेको बताउँछन् ।
‘हुन त यस्तो अवस्थालाई सरकार ढल्ने संकेत भनेर अनावश्यक भ्रम पनि फैलाउने गरिन्छ । विगतमा कतिपय त्यस्ता ‘कन्स्पिरेसी’ प्रचार गरेको पनि देखिन्छ । तर यस्तो भ्रमणलाई हामीले स्वाभाविक रूपमा लिनुपर्ने देखिन्छ,’ हुमागाईं भन्छन् ।
पार्टी सभापतिको नाताले रविको भ्रमण सामान्य देखिए पनि यसलाई अझ उन्नत आयाम दिन सकिने ठाउँतर्फ भने सरकारले ध्यान दिएको देखिएको छैन ।
प्रधानमन्त्रीको भारत भ्रमण नभए पनि सभापति लामिछाने वर्तमान सरकारको दूतको भूमिकामा जान सकेको भए अझ राम्रो हुने सम्भावनातर्फ हुमागाई इंगित गर्छन् ।
‘यदि सरकारले यसलाई पार्टीस्तरीय भ्रमणको साटो नेपाल सरकारको प्रतिनिधित्व गरेर परराष्ट्रमन्त्रीसहितको भ्रमण गर्नुभएको भए यसले अझ उच्चस्तरीय हुन सक्ने थियो,’ हुमागाईं भन्छन् ।
बहालवाला प्रधानमन्त्रीको औपचारिक भ्रमण हुनुभन्दा अगाडि नै सत्तारुढ वा प्रमुख राजनीतिक दलका प्रमुखहरूले भारतको भ्रमण गरेका विगतका दृष्टान्तहरू नभएका होइनन् ।
जस्तो फेब्रुअरी २०१० मा नेपालको शान्ति प्रक्रिया, राजनीतिक स्थिरता र दलहरूबीचको सहमतिबारे भारतीय संस्थापन पक्षसँग संवाद गर्न नेकपा एमालेका अध्यक्ष केपी शर्मा ओली नयाँ दिल्ली गएका थिए । त्यतिबेला एमालेका वरिष्ठ नेता माधवकुमार नेपाल प्रधानमन्त्री थिए ।
भ्रमणका क्रममा उनले तत्कालीन भारतीय विदेश मन्त्री एस.एम. कृष्णा लगायतका उच्च अधिकारीहरूसँग भेटवार्ता गरेका थिए ।
सरकारका प्रवक्ता एवं शिक्षामन्त्री सस्मित पोखरेलले रास्वपाका सभापति लामिछाने आफ्नै ढंगले भारत भ्रमणमा जान लागेको बताएका छन् । मन्त्रिपरिषद् बैठकको निर्णय सुनाउने क्रममा गत साता यस विषयमा सभापति लामिछाने र प्रधानमन्त्री शाहको कुनै सम्बन्ध नभएको समेत बताए ।
प्रवक्ता पोखरेलले भने, ‘प्रधानमन्त्रीज्यू भारत मात्रै जाने समय अथवा जुनसुकै देश जाने समय जति खेर हुन्छ। भारत मात्रै नजानु भएको होइन अहिले विदेश कहिँ पनि गइराख्नु भएको छैन। हामीलाई पहिलो सय दिनको कार्यव्यस्तता एकदमै धेरै छ। सुरूमा काममा अहिले बढी फोकस छौँ। त्यसैले सभापतिज्यू अहिले आफ्नै ढंगले जाँदै हुनुहुन्छ।’
भ्रमणका क्रममा उनले तत्कालीन भारतीय विदेश मन्त्री एस.एम. कृष्णा लगायतका उच्च अधिकारीहरूसँग भेटवार्ता गरेका थिए ।
सरकारका प्रवक्ता एवं शिक्षामन्त्री सस्मित पोखरेलले रास्वपाका सभापति लामिछाने आफ्नै ढंगले भारत भ्रमणमा जान लागेको बताएका छन् । मन्त्रिपरिषद् बैठकको निर्णय सुनाउने क्रममा गत साता यस विषयमा सभापति लामिछाने र प्रधानमन्त्री शाहको कुनै सम्बन्ध नभएको समेत बताए ।
प्रवक्ता पोखरेलले भने, ‘प्रधानमन्त्रीज्यू भारत मात्रै जाने समय अथवा जुनसुकै देश जाने समय जति खेर हुन्छ। भारत मात्रै नजानु भएको होइन अहिले विदेश कहिँ पनि गइराख्नु भएको छैन। हामीलाई पहिलो सय दिनको कार्यव्यस्तता एकदमै धेरै छ। सुरूमा काममा अहिले बढी फोकस छौँ। त्यसैले सभापतिज्यू अहिले आफ्नै ढंगले जाँदै हुनुहुन्छ।’
